2-6 სექტემბრის კვირაში საქართველოში საქმიანი ვიზიტით იმყოფებოდნენ აიდაჰოსა და მისისიპის სახელმწიფო უნივერსიტეტების ექსპერტები.
ვიზიტის ძირითადი მიზანი იყო აჭარის საკალმახე მეურნეობებში სადემონსტრაციო ფერმების შერჩევა და საჭიროებების ანალიზი.
![]() |
![]() |
![]() |
ექსპერტებმა, ასევე, ჩამოიტანეს მათ მიერ გასულ წელს აღებული ნიმუშების შედეგები და ფერმერებს პირადად გაუზიარეს. ვიზიტის მეორე ნახევარი დაეთმო გურიის, სამცხე-ჯავახეთისა და შიდა ქართლის რეგიონებში სხვადასხვა საკალმახე მეურნეობის დათვალიერებას და არსებული ვითარების გაცნობას. სტუმრებმა მოინახულეს როგორც საშუალო, ასევე ინდუსტრიული მეურნეობები და სალიფსიტეები, გაეცნენ მათი ფუნქციონირების პრინციპებს და ძირითად გამოწვევებს.
![]() |
![]() |
![]() |
მეკალმახე ექსპერტებთან ერთად აღნიშნულ ვიზიტში მონაწილეობდნენ USDA-ის საქართველოს ოფისისა და "მომავლის ფერმერის" წარმომადგენლები.
აღნიშნული აქტივობა განხორციელდა კლიმატგონივრული სოფლის მეურნეობის ექსტენციის პროექტის ფარგლებში, რომელიც დაფინანსებულია აშშ-ის სოფლის მეურნეობის დეპარტამენტის მიერ და ახორციელებს "მომავლის ფერმერი".
![]() |
![]() |
![]() |